კალათა

დეტალურად

გერმანული (და მსოფლიო) ლიტერატურის კლასიკოსების – თომას მანისა და ჰერმან ჰესეს პირადი მიმოწერა თანაბრად აქტუალური საკითხავია ლიტერატორებისთვის, კულტუროლოგებისთვის, სოციოლოგებისთვის. დიდი მწერლების ამ ეპისტოლურ დიალოგში, არა მხოლოდ კონკრეტული ადრესატები მოიაზრება, არამედ მთელი ეპოქა, ადამიანები, სახელმწიფოები, ვინც დაძაბულ და ექსტრემალურ დროში მთავარი ფასეულობების გადასარჩენადაა მომართული. მიმოწერაში მკაფიოდ იკითხება თავად მწერლების პირუთვნელი, მტკიცე და უკომპრომისო ხასიათი, მათი დიდსულოვნება ადამიანის ბედის, როგორც ერთ-ერთი ძირითადი ჭეშმარიტების მიმართ. ამ წიგნში კარგად ჩანს თუ როგორ ცხოვრობენ დიდი მწერლები, რისგან შედგება მათი პირადი ბიოგრაფია, რა მასშტაბებისაა მათი თუნდაც ჩვეულებრივი, ყოფითი ნაბიჯები, რომლებითაც, საბოლოოდ, კაცობრიობა პროგრესის გზას გადის.