ლექსები, წერილები, დღიურები

* * * (მიჰქონდა ბედი სევდიან წამებს)

მიჰქონდა ბედი სევდიან წამებს
სადღაც გოდებით.
ახლა მთვარეა და თეთრი ღამე
და მოგშორდები.

და შემოდგომის ოქროს ფოთლები
ათოვს ამ აუზს.
ველი მიწისძვრას და ველოდები
მართლა სასწაულს.

ცივი ოქტომბრის დღეა ცამეტი
და ისმის კვნესა.
თვალები ლურჯი და ნაწამები
ხედავს ამ ზეცას.

მიჰქონდა ბედი სევდიან წამებს
სადღაც გოდებით.
ახლა მთვარეა და თეთრი...