თავი მეათე

წიქა ისარივით შემოვარდა:

- დვირბინი სად ას, დვირბინი? თოფი სად ას, თოფი?

დურბინდი და ორი თოფი მოიტაცა, ისევ ისარივით გაიჭრა და მომაძახა:

- ვაჟიკავ, აჩქარდი! თოფი წამოიღი, თოფი!

ყალივანი დავაგდე, თოფს ხელი დავტაცე და გავიქეცი.

გარეთ მგელიკა დგას. ასი წლის თვალებს ხელით იფარავს, ცას გასცქერის და ბუტბუტებს:

- არწივ ბოინობს, არწივი, თუმცა... არა ღგავის.

ცაში ავიხედე და - რა თქმა უნდა არა ჰგავს - ავიხედე...