VIII

- თუმცა, - განაგრძო არმანმა პაუზის შემდეგ, - როგორც კი მივხვდი, ისევ შეყვარებული ვარ-მეთქი, თითქოს ძალა მომემატა. ჩემგან მარგარიტას ნახვის სურვილი, დიდწილად, იმითაც იყო ნაკარნახევი, რომ მინდოდა, მისთვის მეჩვენებინა, შენზე ძლიერი ვარ-მეთქი.

რა გზებს აღარ ეძებს და რა მიზეზებით აღარ ხელმძღვა-ნელობს გული, რომ როგორმე წადილი აისრულოს!

დერეფანში დიდხანს ვეღარ გავჩერდი და ჩემს ადგილს დავუბრუნდი პარტერში. ნაჩქარევად მოვავლე თვალი დარბაზს, რომ დამენახა, რომელ...